Darganfod Data i Drefi Cymru

Mae data yn arf amhrisiadwy i gymunedau, busnesau ac awdurdodau cyhoeddus ddatblygu economïau a gwasanaethau lleol. Dyna pam mae Trefi Smart Cymru wedi cynhyrchu archwiliad llawn o’r data sydd ar gael sy’n berthnasol i Drefi Cymru.

Canfu ymchwil gan Lywodraeth Cymru fod llawer o drefi yn gwneud defnydd cyfyngedig o’u data. Priodolwyd hyn i ddiffyg gwybodaeth am ba ddata sydd ar gael a lle gellir dod o hyd iddo. Arweiniodd hyn i Drefi Smart Cymru i weithio gyda’r ymgynghoriaeth seiliedig ar leoedd Urban Foresight i archwilio’r holl ddata sydd ar gael a allai fod yn ddefnyddiol i drefi Cymru.

Trwy wneud y data cyhoeddus hwn yn hygyrch ac yn hawdd i'w ddehongli, gall y rhai sy'n gwneud penderfyniadau gynllunio adnoddau, gwasanaethau cyhoeddus a thargedu gwasanaethau yn fwy effeithlon yn y dyfodol. Mae dros 170 o wahanol setiau data wedi’u dadansoddi a’u coladu yn is-grwpiau amrywiol y gellir eu cyrchu drwy’r offeryn ar-lein rhad ac am ddim isod.

Yn ogystal â’r offeryn data, mae adroddiad wedi’i gynhyrchu sy’n rhoi cefndir i’r prosiect, yn ogystal ag amlygu rhai argymhellion allweddol ar gyfer sefydliadau’r sector cyhoeddus a phreifat. I weld yr adroddiad gweler isod.